ယခု သင်တန်း အစီအစဥ်များကို MBE အသင်း၏ Earthquake Assistance Program တစ်ရပ်အဖြစ် မန္တလေးတိုင်းဒေသကြီး၊ ပုသိမ်ကြီးမြို့နယ်ရှိ မင်္ဂလာရန်ကင်း ပြည်သူ့အငှားအိမ်ရာ၌ ပန်းရန် (အုတ်စီ) အခြေခံသင်တန်း အပတ်စဉ် (၂) ခု၊ လက်သမား (ပုံဆင်ပုံရိုက်) အခြေခံသင်တန်း အပတ်စဉ် (၁) ခု၊ စုစုပေါင်း သင်တန်းအပတ်စဉ် (၃) ခုတို့ဖြင့် သင်တန်းသား/သူ စုစုပေါင်း (၆၀) ဦးကို THS (Mdy) နှင့် NSSA Assessor သင်တန်း ဆရာ/ဆရာမ များက စာတွေ့/ လက်တွေ့ သင်ကြား‌ ပြသ ပေးခဲ့ခြင်း ဖြစ်ပါသည်။

ငလျင်ဒဏ်သင့် အိမ်ရာနေ – အသက် (၁၈) နှစ်မှ (၅၀) နှစ်အတွင်းရှိ ကျား/မ မရွေး၊ လူမျိုးဘာသာမရွေး၊ ဆောက်လုပ်ရေးလုပ်ငန်းခွင်သို့ အမှန်တကယ် ဝင်ရောက်မည့် သင်တန်းသား/ သူ (၆၀) ဦး အတွက် “အသက်မွေးဝမ်းကျောင်း ပညာအခြေခံ” တတ်‌မြောက် ရရှိပြီး ဝင်ငွေတိုးတက်ကာ မိသားစုဘဝ မြင့်မားလာရေး ရည်ရွယ် ပံ့ပိုးပေးနိုင်ခဲ့ပါကြောင်း ဂုဏ်ယူစွာ မှတ်တမ်းတင် ဖော်ပြအပ်ပါသည်။